التخطي إلى المحتوى

يوجد عدة نكت تموت من الضحك جديدة جداً 2022 قيلت على أفواه الكثيرين وأضحكت الكثيرين، فالنكات هي عبارة عن طرفات ظريفة تروى لنا بطريقة مضحكة.. تعمل على إخراج الناس من همها وحزنها، وهي متنوعة جدًا فللنكات أكثر من نوع وأكثر من طريقة تقال بها .

نكت تموت من الضحك مكتوبة

نكت تموت من الضحك

عندما نقول نكت تموت من الضحك ليس المعنى الحرفي لكلمة الموت، بل إنها مبالغة تصف بها حال النكتة.. وعرفت النكات على إنها طُرفة قديمة، كانت تُحكى في الأوساط الشعبية حتى تنقلت وأصبحت في كل البلدان.. بعض النكات قد تكون عن السكارى، والبعض الآخر يمكن أن يكون عن الأغبياء.

سواء هؤلاء أو أي نوع آخر.. أن تراعي أن في هذا النوع من النكات لا تحاول أن تصطنع الضحك، فمن المهم أن يشعر المتلقي بأن النكتة جميلة بالفعل.. حتى يضحك من قلبه وبالتالي تصل إلى مرادك وهو إضحاك الغير، ونعرض لكم بعض نكات مضحكة للغاية من خلال السطور التالية:

واحد كل مرة يحلم بماتشات عن الفئران، راح للدكتور فقال له: يا دكتور أنا كل يوم بحلم إن في فيران بتلعب ماتش ملاكمة.. الدكتور قال له: بص أنا هديك حقنة تريحك من كل ده، الراجل قال له: بس معلش يا دكتور خليها بكره عشان النهائي النهاردة.

واحد غبي في الحرب ماسك قنبلة عمال يلف بيها، ويشلها ويرميها بين إيديه الاتنين.. واحد شافه وقال له: يا بني انت بتعمل ايه افرض انفجرت في وشك؟ الغبي قال له: يا عم متقلقش معايا غيرها.

أستاذ رياضيات بيسأل تلميذ في الفصل: افرض معايا أبوك استلف من جارك 500 جنيه.. بعد كدا راح لجارك التاني 500 جنيه المفروض يرجعهم كام؟ الولد: مش هيرجع حاجة، الأستاذ: يا بني ركز معايا استلف 500 وبعد كدا زيهم يبقى هيرجع كلوا على بعضه كام، الولد: يا أستاذ مش هيرجع حاجة.

الأستاذ: اقعد اقعد شكلك مبتعرفش تحسب.. الولد: يا أستاذ انت اللي متعرفش أبويا.

لا يفوتك أيضًا: نكت مضحكة مصرية مكتوبة 

نكت مهنية مضحكة جدًا

المهن هو أي عمل يقوم به الفرد، سواء كانت مهنة في شركة أو عن دراسة.. أو إن كانت حرفة يعمل بها، وكثيرًا ما كنا نسمع عن نكت تموت من الضحك عن هذه المهن.. حيث كان يروى لنا المواقف وردود الأفعال لأصحاب تلك الأعمال.

ليس في ذلك تقليل من أي مهنة أو ما شابه، بل هي فقط على سبيل المزاج.. وسنعرض لكم نكت مهن مضحكة جدًا من خلال ما يلي من نقاط:

  • دكتور عيون خارج مع زوجته وكان معاه هدية فقال لها: شايفة الوردة دي يا حياتي، قالت له أه.. قام باعد الوردة شوية وقال لها: طب وكدا.
  • أستاذ حب يعمل فرح ابنه في الشارع وزع على المعازيم أرقام جلوس.
  • مرة واحدة متجوزة نجار بتكلم صاحباتها بتقولهم: أنا جوزي دايمًا بيريحني في الغسيل.. قالوا لها: ازاي؟، قالت لهم: بسيطة أنا اغسل وهو ينشر.
  • في مرة واحد كهربائي اتجوز أربع ستات عملهم مشترك.
  • واحد محامي مبياكلش خضار رفع قضية مستحملش وقعت عليه.
  • راجل عدى على حلاق لقاه قاعد زعلان فسأله: مالك، قال له: في رأس هموت واحلقها، قال له: رأس ايه.. الحلاق قال له: رأس السنة.
  • ميكانيكي قلبه حساس جاله كاوتش عربية نايم، صعب عليه مرداش يصحيه.
  • حانوتي فتح محل فاكهة، كل يوم الصبح يقعد ينادي: الموز علينا حق.
  • نجار ماشي في الشارع دخل في رجله مسمار، بعد محاولات معرفش يطلع قام تناه.
  • جزار راح يتقدم لواحده، فأبوها قال له: بص يا بني قبل ما نتكلم كدا لازم تعرف إن مهر بنتي 100 ألف جنيه.. الجزار قال له: ليه يا عمي انت حسبت الكيلو بكام.
  • مصاص دماء راح يقدم على وظيفة في الحكومة، عينوه خرامة ورق.

نكت متنوعة تموت من الضحك 2022

في هذه الفقرة سنعرض لكم نوعًا آخر من نكت تموت من الضحك وهي بعض النكت المتنوعة، فالنكت المتنوعة تحكي بعض الطُرف حول المهن أو المواقف الأسرية أو ما شابه.. فكل ما عليك هو أن تقوم بإلقاء النكتة بصيغة مضحكة وصحيحة.

فبعض النكات لا تجد من يلقها بالشكل المطلوب، فتفقد حلاوتها والمغزى منها.. ونعرض لكم نكات متنوعة تضحك جدًا من خلال ما يلي من سطور:

  • واحد كهربائي زوجته بتقوله: إلحق ابنك سخن أوي، قال لها: أنا جاي دلوقتي هركبله ترنس.
  • سواق في مرة كان داخل ينام قام لقى زوجته قفلت باب الأوضة، قال لها: بقولك ايه افتحي الباب واقفليه تاني.
  • مرة سواق تاكسي ركبت جنبه بنت جميلة أوي، فقال لها: انت بتعرفي تسوقي؟.. قالت له: لا، قال لها: أنا تسوقي.
  • جاموسة بتسأل صاحبتها انت ليه بقالك عيدين محدش بيدبحك أو بيقرب منك، الجاموسة: كتبوني في شهادة الميلاد حمارة.
  • واحد بيسأل أبوه: بابا ايه الفرق بين المصيبة وبين القضاء والقدر، الأب: بص احنا مثلًا لو رحنا البحر وأمك غرقت يبقى ده ايه؟ الولد: مصيبة طبعًا.. الأب: لا يا ذكي ده قضاء وقدر، المصيبة لو أمك أصلًا كانت بتعرف تعوم.
  • راجل غبي حب يحتفل بعيد جوازه العاشر مع زوجته، قام قال لها: تيجي يا حبيبتي نرجع زي زمان.. قالت له: ازاي، قال لها: لا انا اعرفك ولا انت تعرفيني، انت طالق.
  • واحد قاعد جنب زوجته على السرير فقال لها: بقولك يا حبيبتي بتفكري في ايه دلوقتي، بصتله بإغراء وبابتسامه كدا قالت له: نفس اللي بتفكر فيه.. ضربها وقال لها: عايزة تتجوزي عليا يا خاينة.

نكت مصرية مضحكة للغاية

ما أجمل نكت تموت من الضحك مصرية، النكات المصرية من أجمل الطرف التي من الممكن أن تسمعها بحياتك.. فكلنا نعلم خفة دم الشعب المصري، وهذا ما يظهر في طابع النكتة الممتع سواء قصيرة أو طويلة، ونتعرف معًا على نكت تموت من الضحك مصرية من خلال ما يلي:

  • واحد وزوجته راحوا مسرح باليه، فالمهم القعدة كانت مريحة جدًا لدرجة إن زوجته نامت.. فلما رجع أصحابه سألوه ايه الأخبار، قال لهم: دخلت مسرح قمة في الأدب والأخلاق.. لدرجة إني مراتي نامت مشيوا على طراطيف رجليهم.
  • مرة واحد غبي واحد في سنترال اتصل بواحد وقال له: ألو الأستاذ محمد حسن عندك.. الراجل قال له: لا حضرتك النمرة غلط، الغبي: طب ممكن تديني نمرته.
  • واحد بخيل بيقول لزوجته تاخدي فلوس ولا موبايلي الجديد، فزوجته فكرت وقالت: ده بخيل يعني ممكن لو طلبت فلوس يديني جنيه.. قامت قالت له: خلا هات موبايلك الجديد، قال لها: اكتبي زيرو اتناشر.
  • واحد من البلد باع اللي وراه واللي قدامه واشترى اللي جنبه.
  • محشش راكب القطر ومطلع ايده من الشباك، جه القطر المعاكس قام طير ايده.. قال له: يا خبر أسود الساعة راحت.
  • راجل محشش وهو ماشي شاف قشرة موز ع الأرض، قال يا نهار أبيض اتزحلقنا.
  • واحد غبي في برنامج من سيربح المليون، بعد ما اتصل بصديق بيسأل صاحبه: بقولك يا صاحبي في رأيك أحذف إجابتين ولا اسأل الجمهور.
  • واحد شغال في خدمة توصيل طلبات للمنازل، فراح لشيخ: قال له يا شيخ هو أنا شغلتي دي حرام.. الشيخ قال له: ليه يا بني انت مش مسلم، قال له: لا أنا ماكدونالز.

نكات متزوجين تضحك جدًا

عندما بحثنا عن نكت تموت من الضحك وجدنا نوع لطيف من النكت يسمى النكت العائلة، أو كما يطلق عليه نكت متزوجين.. تحكي هذه النكت بعض المشاكل الأسرية والطرائف التي تحدث داخل البيوت بين الزوج وزوجته، وهي من النكت المحببة جدًا في الوطن العربي.

سنعرض لكم نكت تموت من الضحك للمتزوجين من خلال هذه النقاط الآتية:

  • واحد خطيبته قالت له غازلني، قال لها: انت قشطة، انت زبدة.. انت سمنة، أقولك حاجة من الآخر انت بقرة.
  • مرة واحدة بتقول لجوزها أنا حلمت إن أنت جبتلي عربية وعلمتني السواقة، جوزها قال لها: طب كملي الحلم يمكن تعملي حادثة.
  • راجل حاسس بهم كبير راح دلكتور نفساني، فالدكتور قال له: بص لما تيجي تنام حط همومك برا ونام.. الراجل قال له: مش للدرجادي يا دكتور، أكيد مش هخلي مراتي تنام برا.
  • واحدة صحيت من النوم خايفة، فجوزها بيقولها: مالك.. قالت له: حلمت حلم وحش، حلمت إني بقيت أرملة، جوزها قال لها: لا يا حبيبتي بعد الشر.. إن شاء الله أنا وانت لا.
  • واحد متجوز واحدة غبية فقال لها، بصي أنا كل يوم هديلك جنيه وبوسة عشان نعمل جمعية.. فجه آخر الشهر لقى معاها 90 جنيه فسألها منين، قالت له: أصل أبو أحمد داخل بنفرين.
  • مرة واحد راح مع زوجته جنينه الحيوانات، فصورها مع القرود وحط الصورة على النت وكتب: زوجتي مع القرود.. ملحوظة زوجتي ثاني واحدة على اليسار.
  • واحد سمع صريخ عالي في الشارع، نزل يشوف في إيه قالوا له إن المية بقت مسممة.. أول ما طلع زوجته بتسألوا في ايه، قال لها: مفيش حاجة اشربي مية انت بس ونامي.

نكت صعايدة تموت من الضحك 202

من أكثر ما يتم البحث عنه على الإنترنت نكت تموت من الضحك للصعايدة، الصعايدة هم الذين يسكنون في صعيد مصر بالتحديد في الجنوب.. يحدث معهم بعض المواقف الطريقة التي تجعلنا نضحك، ولكن هذا ليس للتقليل منهم.. بل هي لكي نفرج عن أنفسنا من خلال بعض الطرائف لأصدقائنا في الصعيد.

سنعرض لكم نكت تموت من الضحك للصعايدة من خلال السطور الآتية:

  • واحد صعيدي راح مطعم فلقاهم بيعملوا حلقات بصل، قام راح قال لهم: لو سمحت أنا عايز آخر حلقة.
  • مرة صعيدي من المنيا سمع إن فيه عاصفة جيه على البلد جامدة، فراح كتب على المدخل “مرحبًا بكم في قنا”.
  • واحد صعيدي مش عارف ينام من كتر التعب، فراح للدكتور الدكتور قال له عد من واحد لـ 300 وانت هتروح في النوم.. الصعيدي راح ولما وصل لمية نام، قام غسل وشه عشان يكمل عد.
  • صعيدي مفتاح شقته ضاع، قام جه النجار فتح الباب بالطفاشة.. راح الصعيدي عمل نسخة على الطفاشة.
  • واحد صعيدي في اسكندرية شاف واحد بيغرق قام مطلعه، سمع في ميكرفون واحد بيقول اللي يعمل خير يرميه بحر.. قام شاله ورماه تاني.
  • مرة صعيدي كان ماشي في الشارع بالليل لقى جواب ع الأرض، فتح الجواب لقى مكتوب بخ.. ساب وجرى.
  • تلاتة بلدياتنا حبوا يهاجروا هجرة عشوائية، خطفوا مترو الأنفاق وقالوا اطلع على إيطاليا.
  • بيقولك في الفلاحين كل ما واحد يركب الأتوبيس يدي الكومسري بيضة، قام واحد حب يعمل ذكي عطا للكمسري فرخة.. قال له: ايه دي، قال له: دي اشتراك.
  • صعيدي بيهزر مع صاحبه راح من وراه وضربه بالفأس وقال له: مين أنا؟
  • واحد بلديتنا بعت تليغراف لابنه، قال له: احضر حالًا أخوك شرب بيبس.

نكت مضحكة ومتتعة جدًا

من خلال موضوعنا نكت تموت من الضحك، سنتعرف على نوع آخر من النكت يسمى بنكت ممتعة جدًا.. هذه النكت من النكت التي تجعلك تضحك من قلبك، وسنتعرف على نكت تموت من الضحك ممتعة من خلال الآتي:

  • صعيدي أشول بياكل بالشمال، صحابه قالوا له: خد بالك كدا الشيطان بياكل معاك.. قام حاطط سم في الأكل.
  • مرة دكتور قال لواحد بلدياتنا اشرب حاجة سخنة عشان صحتك، شرب مية نار.
  • بيقولوا لواحد صعيدي متعلم: ايه رأيك في تجارة المخدرات، قال لهم: تجارة أسيوط أحسن.
  • واحد صعيدي حب يضحك على سواق الكومسري بتاع القطر، قطع التذكرة ومركبش.
  • واحد محشش اتصل بخدمة عملاء شركة المصرية للاتصالات عشان تليفونه الأرض، خدمة العملاء: أهلًا وسهلًا يا فندم أقدر أساعد حضرتك ازاي؟.. المحشش: معلش سلك التليفون عندي طويل أوي، ممكن بس تسحبوه شوية من عندكم.
  • محشش فك باب البيت وماشي بيه في الشارع، فواحد صاحبه قابله وقال له: انت رايح فين بالباب ده.. المحشش: رايح أوديه للنجار عشان أصلحه، صاحبه: طب انت مش خايف حد يخش يسرق البيت.. المحشش قعد يضحك وقال له: دايمًا عقلك على أدك، دلوقتي الباب في إيدي الحرامي هيخش إزاي.
  • اتنين مساطيل قاعدين مع بعض فواحد بيقول للتاني: أنا عايز أبيع عربيتي بأعلى، صاحبه قال له: بسيطة شيل العلامة بتاعتها وحط مرسيدس.. بعد كام يوم قابلوا بعض فبيقولوا: ها بعتها، قالوا: يا عم انت مجنون حد يبيع عربية مرسيدس.

بعد أن تعرفنا على نكت تموت من الضحك متعة، سنعرض لكم نوعًا جديدًا من النكات يسمى نكت تموت من الضحك للأزواج.. وهذا عبر الفقرة التالية.

نكات للأزواج تموت من الضحك

في ظل تحدثنا عن نكت تموت من الضحك، وبعد أن ألقينا نظرة في الفقرات السابقة عن نكات المتزوجين.. من خلال نكت تموت من الضحك للأزواج، والتي تحكي عن المواقف التي تحدث بين الرجال والنساء المتزوجين.

لهذا سنستكمل ما بدأناه من نكت أزواج مضحكة من خلال الأتي:

  • مرة مصري شاف فيلم أجنبي البطل دخل على زوجته البيت قام حضنها، عجبته الفكرة أول ما دخل قام حضن زوجته.. عيطت وقالت له: بالله عليك متخبيش عليا مين اللي مات؟
  • بنت بتشتكي لأمها وبتقولها: يا ماما جوزي كل ما أعمله أكل يرميه للكلب، أمها قالت لها: يا حرام طب والكلب ذنبه ايه.
  • صيدلي اتجوز على زوجته، قامت زوجته باعتتله جواب: متفرحش أوي كدا نفس التركيبة لكن من شركة تانية.
  • جزار قاعد مع زوجته قعدة حلوة، فبيقولها: يا حبيبتي ما تحطيلي كدا أحمر ودلعينا.. قالت له: مفيش أحمر أحطلك دهن.
  • راجل بيموت فبص لزوجته بصة حب وقال لها: لما اترفت من الشغل كنتي معايا، ولما فلست ومكنش معايا فلوس كنتي معايا.. وانا دلوقتي بموت وبردو معايا، قام مسك ايدها وقال لها: مش عارف ليه حاسس إنك نحس.
  • واحد زوجته مش عايزة تفتحله باب الشقة وطارداه بره، قال لها: يا ستي افتحي دنا جايب ورد لأحلى واحدة في العالم.. فتحت بسرعة وبصت ملقتش ورد، قالت له: فين الورد؟ قال لها: يعني هي فين أحلى واحدة في العالم.
  • محشش بيحاول يولع عود كبريت بس مش بيولع، فزوجته قال له: ياعم جرب واحد تاني يمكن بايظ.. المحشش: يا ستي بايظ ايه أنا لسه مولعه من شوية.

عندما نتحدث عن نكت تموت من الضحك مكتوبة 2022، فنحن نتحدث عن نوع ظريف ومضحك جدًا من النكات.. فلا تتكاسل في أن ترسم الابتسامة على وجوه الآخرين.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *