التخطي إلى المحتوى

القصص وجودها في حياتنا ضروري للغاية، ولا يقتصر  الأمر بالأطفال فقط، فهي جزء من التراث الثقافي لكل مجتمع و أمة، واليوم نقدم لكم عبر موقع شملول باقة من قصص و حواديت اطفال بالعامية المصرية، ليسهل على الطفل المصري فهم كلماتها و استيعاب تفاصيلها.

قصص للاطفال قبل النوم بالمصري

حكاية القنفذ وأصدقاءه

حواديت قبل النوم باللهجة المصرية

كان ياما كان في قديم الزمان ولا يحلى الكلام إلا بذكر النبي عليه الصلاة والسلام، قصتنا  النهارده بتتكلم عن قنفذ .

شاهد أيضا:

، وكلنا عارفين أن القنفذ من حيوانات الغابة الصغيرة و المعروفة واللي شكلها جميل.

كان القنفذ عايش مع باقي حيوانات الغابة  ، واللي منهم الأسد والفيل والقطة والثعلب وغيرهم.

لكنه ماكنش مبسوط بالعيشة دي ، رغم إن كان كل حيوانات الغابة بتحب بعضها ومحدش فيهم بيأذى حد.

عارفين ليه القنفذ كان حزين؟

عشان كل حيوانات الغابة كانت بتخاف تلعب معاه ولا تقرب منه.

وده لأنه مش بيقدر يسيطر على نفسه ساعة اللعب معاهم، فبيخرج من ضهره شوك يأذيهم ، ويقلب اللعب زعل وخصام.

وفي أول اليوم قابل القنفذ الأرنوب الصغير اللي كان بيلعب بالكورة و عمال يتنطط، قاله القنفذ: ممكن تخليني ألعب معاك؟

رفض الأرنب وقاله : أنا آسف يا صاحبي مش هينفع نلعب سوا، لأن الشوك بتاعك بيعورني ، وكمان بود لي كورتي القديمة قبل كده.

زعل القنفذ أوي من كلام الأرنب اوي، ومشي لوحده في الغابة يدور على حد من الحيوانات يوافق أنه يلعب معاه.

و القنفذ ماشي شاف الفيل الكبير وهو بيعوم في بحيرة الغابة ، ومعاه عوامة جميلة على شكل فيل ، القنفذ عجبته العوامة اوي ، وعجبته اكتر فكرة اللعب في المياه.

وفعلاً نزل للفيل و أول ما قرب من العوامة فرقعت وباظت بسبب شوك القنفذ الحاد.

ومش بس كده، ده كمان شوك القنفذ انتشر في المياه وجرح الفيل  اوي.

غضب الفيل وخرج من المياه مضايق ، وزعق للقنفذ بصوت عالي وقاله : أنت شايف انت عملت ايه ! عورتني و بوظت لعبتي الجديدة.. بعد اذنك لو سمحت متلعبش معايا تاني وإياك تقرب من حاجتي.

سكت القنفذ وما اتكلمش رغم انه ملوش ذنب في كل اللي حصل ده وماكنش يقصد أنه يعمل كل ده.

فضل القنفذ مكمل طريقه لوحده وهو بيعيط اوي ، وفجأة حس أن في حد بيقرب عليه، فنشف دموعه بسرعة عشان محدش يحس به.

حواديت أطفال مصرية

حواديت باللهجة المصرية

طلعت القطة هي اللي كانت بتقرب منه ، وكانت رابطة رجلها بجبيرة خشب بعد ما القنفذ عورها قبلها بيوم من اشواكه.

وقف القنفذ قدام القطة وقالها بحزن: انتي عامله ايه دلوقتي؟ أنا بجد آسف على اللي حصلك بسببي.

ردت القطة عليه وقالت له: مش مشكله، بس ابعد شوية عني عشان ماتعورنيش تاني لو سمحت.

لحد كده قرر القنفذ أنه ينهي يومه السيء ده ، وأنه لابد أنه يرجع لبيته ومامته من تاني.

دخل القنفذ بيته وهو حزين ومهموم ، فلاحظت مامته كده وسألته: مالك يا حبيبي زعلان اوي كده ليه ؟

رد عليها وقالها : مافيش حاجه يا ماما.

بس ماقدرش يمسك دموع، فانفجر في العياط.

قعدت مامته تهديه علشان تعرف ايه اللي مزعله ومضايقه للدرجة دي .

حكى القنفذ لمامته كل اللي حصله في يوم ، وسألها: هو ليه ربنا خلقنا وحشين كده بنأذي الحيوانات الثانيه ونخليهم يخافوا منه؟

ردت عليه والدته بحكمة وقالت له: بص يا حبيبي، ربنا خلقنا كل المخلوقات على وجه الأرض محاطين بالمخاطر من كل ناحية.

  ولازم ربنا يحط لكل واحد من المخلوقات دي وسيلة للدفاع عن نفسه يقدر بها  يعيش وسط كل المخاطر دي.

وأحنا عشان صغيرين شوية ، ربنا خلق لنا الشوك ده عشان ندافع به عن نفسنا، بس لازم برضوا نتعلم ازاي نتحكم في نفسنا عشان ما نأذيش غيرنا.

حدوتة قبل النوم باللهجة المصرية

قصة الدُب الكسلان

حواديت قبل النوم باللهجة المصرية

زي ما بيحصل كل يوم ، يصحى الدب الكسلان ويبدأ يعمل الأنشطة اللي بيعملها كل يوم بملل وزهق.

بس النهاردة الدب صحي متأخر جداً عن كل يوم ، ومش قادر حتى يقوم من ع السرير من كتر تخنه وقلبظته.

وبعد صعوبة قدر أنه يقوم من على السرير، راح الدب عشان يدور على العسل اللي بيفطر به كل يوم من الشجرة اللي جنبه.

دخل الدب إيده جوه الشجرة، وطلع كمية عسل كبيرة أكلها ومشي تاني لبيته عشان يرجع يكمل نوم تاني.

الدب بطل القصة بتاعتنا النهارده كسول أوي أوي ، لدرجة أنه حتى مش بيحب يتحرك خالص، وكل حركته عبارة عن أنه يروح ياكل و يرجع ينام تاني، وده أكبر سبب لتخنه الكبير.

طب عارفين الدب ده كان بيجيب أكله منين وهو كسول مش بيشتغل؟

الدب كان بيسرق العسل اللذيذ من الشجرة اللي جنبه، واللي بتنتجه ملكات النحل.

طبعاً ملكة النحل من حقها تزعل من سرقة الدب العسل بتاعها هي ونحلها، وعشان كده قررت انها تحط حد للمهزلة اللي الدب عاملها دي.

وقالت: ماينفعش اللي الدب التخين ده بيعمله كل يوم، يسرق تعبنا و مجهودنا ونفضل ساكتين له كده!

حواديت قبل النوم باللهجة المصرية قصيرة

حواديت قبل النوم باللهجة المصرية

فقررت ملكة النحل مع سكان الخلية انهم ينقلوا خليتهم من الشجرة دي لشجرة تانية بعيدة عن الدب، عشان مايقدرش يوصل لهم تاني.

وكمان عينت الملكة حراسة قوية على الخلية من بره عشان يحموا العسل بتاعهم.

وكالعادة صحي الدب وراح يأكل العسل زي ما بيعمل كل يوم، بس اتفاجئ أن الشجرة فاضية خالص ومافيش فيها عسل.

ماكنش مصدق نفسه وقعد يدور بإيده يمين وشمال ، بس برضوا مافيش أي حاجة.

فهم الدب أن النحل هرب منه وغير مكانه ، ولأن الدب عنده حاسة شم قوية ، قعد يشم آثار النحل وفضل يدور ساعات كتير على النحل والعسل .

وكل ما يحس انه تعب ينام شوية في مكانه ، ويصحى جعان أكتر من الأول، فيرجع يدور تاني ، لحد ما أخيراً عرف يوصل لمكان النحل الجديد .

بس المره دي كانت غير كل مره ، لاقى الدب مجموعة من النحلات القوية واقفه قدام الشجرة بيحرسوها ، و أول ما قرب منهم الدب هجموا عليه وخلوه يرجع لورا .

فضل الدب طول اليوم بيحاول مره واتنين وتلاته وعشرة أنه يوصل للعسل بس مافيش فايده، كل محاولاته فشلت.

يأس الدب ومشى ناحية البحيرة، يمكن يقدر يصطاد سمكة ياكلها.

و لأن وزنه تقيل جدا وقع وكان هيغرق لأنه مش بيعرف يعوم، لولا أن شوية حيوانات ساعدوه أنه يطلع.

ومن ساعتها والدب اتعلم أن الكسل نهايته وحشه و أن السرقة حرام ومش بتشبع.

عزيزي القارئ ، نتمنى أن نكون قد رضينا توقعاتكم عن حواديت اطفال قبل النوم باللهجة المصرية 2021 ، ونحن على استعداد لتلقي تعليقاتكم واستفساراتكم وسرعة الرد عليها .

الزوار شاهدو أيضا:

X

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *